Malayalam

മഴ


മണ്ണിൽ പുതു മഴത്തുള്ളികൾ മുത്തുമ്പോൾ ഒരു മണമുണ്ട് , ഒരു പ്രത്യേക മണം.ആ മണമായിരുന്നു എന്റെ പ്രണയത്തിന്‌.

ആ ചാറ്റൽ മഴയത്ത് അവളുടെ കുടക്കീഴിലേക്ക്‌ ഓടി കയറി ആരും കാണാതെ അന്ന് അവളുടെ വിരൽത്തുമ്പിൽ തൊട്ടപ്പോൾ ഒരു മഴ നനഞ്ഞ സുഖമായിരുന്നു. ചെറു നാണത്തോടെ അവളുടെ മുഖം തുടുത്തപ്പോൾ എന്റെ മനസ്സിൽ തെളിഞ്ഞ മഴവില്ലിനു ആയിരം നിറങ്ങളായിരുന്നല്ലോ!

ആകാശം കാണാതെ പുസ്തക താളിൽ മയിൽപീലിക്കു പകരമായ് സൂക്ഷിക്കാൻ അക്ഷരങ്ങളിൽ ചാലിച്ചെടുത്ത എന്റെ മനസ്സു തന്നെയല്ലേ ഞാൻ അന്ന് വിറയ്ക്കുന്ന കൈകളാൽ വച്ച് നീട്ടിയത്!
രാത്രികളിൽ കമ്പിളി പുതപ്പിന്റെ ചൂടുപറ്റി തിമിർത്തു പെയ്യുന്ന മഴയ്ക്ക് കാതോർത്തു കിടന്നിരുന്നപ്പോളെല്ലാം മനസ് നിറയെ ആ മുഖം മാത്രമായിരുന്നു.

പിന്നീടെപ്പോഴോ പ്രണയത്തിനും സ്വപ്നങ്ങള്ക്കും അപ്പുറമാണ് ജീവിതം എന്ന് പലരും പറഞ്ഞു പഠിപ്പിച്ചപ്പോൾ മഴയുടെ മറപറ്റി ഒഴുകിയ ആ കണ്ണീർ തുള്ളികളെ കണ്ടില്ലെന്നു വച്ച് യാത്ര തുടർന്നു. വർഷങ്ങൾ എത്ര കടന്നു പോയി…ഇന്നീ കോണ്‍ക്രീറ്റ് കാടിൽ നിരവികാരമായി പെയ്യുന്ന മഴയെ നോക്കി ഞാൻ എന്തിനു വേദനിക്കുന്നു..കടലുകൾ എത്ര താണ്ടിയിട്ടും മനസ്സിന്നും ഇടവഴിയിൽ ആ കുടകീഴിൽ നിന്ന് അവളുടെ കൂടെ .മഴ നനഞ്ഞുകൊണ്ടിരിക്കുകയാണോ ..ഒരു തിരിച്ചു പോക്ക് ഇനിയില്ല എന്നറിഞ്ഞിട്ടും ?

കണ്ണിൽ അറിയാതെ പൊടിഞ്ഞ ചുടുനീർ വേഗം തുടച്ചു ഞാൻ  ആരോടെന്നില്ലാതെ പിറുപിറുത്തു , ‘നശിച്ച മഴ’…കറുത്തിരുണ്ട മാനത്തേക്ക് നഷ്ടബോധത്തോടെ ഒന്നും കൂടി കണ്ണയച്ചു ഞാൻ ആ ജനലുകൾ കൊട്ടിയടച്ചു, എന്റെ മനസ്സിനേയും!

 

Advertisements

6 thoughts on “മഴ

  1. പാത്തും പതുങ്ങിയും വരുന്ന മഴ….ആർക്കാണ്‌ അവളെ പ്രണയിക്കാതിരിക്കാൻ കഴിയുക…പക്ഷെ ഇന്നീ മഴ എനിക്കും വെറുപ്പാണ്…നഷ്‌ടമായ എന്തോ ഒകെ ഒര്മിപിക്കുന്ന ശല്യം മഴ …..നല്ല വരികൾ

  2. Ithinnu comment malayalathil thanne venam ezhuthaan. Pakshe samaya kuravu kondu english-ill malayalam ezhuthunnu. Mazha…ennikku bhoomiyil ettavum ishtapetta sambhavam aanu. Pinne pranayam…love marriage kazhincha ennikku pranayathe patti enthannu abhiprayam ennu pinne parayanillallo? Ishtapettu. Vallare ishtapetthu. Mazhayum, kodayum, athinnu keezhiyil janicha pranayavum, vedanayum ellam…:-)

I would love to know what you thought....

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s